يوسف وائل بطل الكاراتيه الذي خطف الأنظار في عالم الفاشون

 

كتب – أحمد عيد

في زمن الفن الجميل، كان النجوم يُصقلون بالموهبة الفطرية والقدرة على التقليد، واليوم نجد في البطل "عدي عمرو" (8 سنوات) ملامح نجم قدير. لم يكتفِ عدي بكونه بطلاً في السباحة والتايكوندو، بل خطف الأنظار بقدرته المذهلة على تقمص أصعب المشاهد الدرامية لدرجة البكاء الحقيقي، ليثبت أن الموهبة لا تعرف عمراً.

كيف تختارين ملابس أطفالك والألوان المناسبة لهم ؟ شاهدي هذا الفيديو حتى تكون الحياة حلوة مع أطفالك 

عرفنا بنفسك عندك كام سنة وفي سنة كام دراسة؟

أنا عدي عمرو، عندي 8 سنين، والحمد لله متفوق في دراستي جداً في العربي والإنجليزي والماث، وبحب داايماً أطلع من الأوائل.

والدتك بتقول إنك "فنان تقليد" من صغرك.. إيه أكتر حاجة بتحب تقلدها؟

من وأنا صغير وأنا بحب أراقب الناس وأقلد أصواتهم وحركاتهم. بحب جداً المشاهد الصعبة، سواء رعب أو دراما أو كوميدي، ولما بأمثل مشهد حزين بعيط بجد وبقع على الأرض من كتر ما أنا حاسس بالشخصية.

موضوعات متعلقة 

أطفال أبهروا الجميع بموهبتهم والشهرة في انتظارهم

أبطال صغار يصنعون ملحمة كبيرة.. أشبال المسرح يضيئون "فانوس النصر"

فريدة كرم.. عاشقة الكاميرا.. تحلم بالتمثيل مع ياسمين عبد العزيز

 بعد أن لفت الأنظار إليه.. عمر مجدي يحلم بأن يكون ممثلا كبيرا وأشهر موديل في مصر

 سمعنا إنك دقيق جداً في التفاصيل.. ليه ده مهم بالنسبة لك؟

بحب أسأل والدتي عن كل تفصيلة صغيرة في المشهد عشان أعمله صح، لأن الفنان الحقيقي لازم يهتم بكل حاجة عشان الناس تصدقه. والحمد لله بحفظ المشاهد بسرعة جداً.

شاهدوا عدي عمرو مع خبيرة الإتيكت الشهيرة أمينة شلباية وفن التعامل 

ليك تجارب مع مشاهير.. احكي لنا عنها؟

اشتغلت ميديا مع "أمينة شلباية"، ولسه ظاهر النهاردة في حلقة "سنجل ماذر فاذر"، ودي كانت تجربة حلوة قوي وحببتني في الكاميرا أكتر.

إنت بطل رياضي كمان.. بتلعب إيه؟

أنا بحب الرياضة جداً، بلعب سباحة وكرة قدم وتايكوندو، الرياضة بتعلمني الالتزام والنشاط وبتساعدني في التمثيل كمان.

 

نفسك تطلع إيه لما تكبر؟

حلمي الأول إني أكون "ضابط طيار"، وبإذن الله هكمل في حلمي ده، وفي نفس الوقت نفسي أكون فنان ناجح ومشخصاتي شاطر ومشهور زي نجوم زمان.