كتب – أحمد عيد
عندما تجتمع البراءة مع الكاريزما، يظهر لنا بطل مثل "نوح أحمد". ابن الست سنوات الذي لم يكتفِ بكونه "موديل فاشون" ناجح، بل وضع قدمه في عالم الدراما مع كبار النجوم، ويرسم لنفسه طريقاً ليصبح فناناً شاملاً ومتميزاً.
التقينا نوح وكان سؤالنا الأول له عن قصة بدايته المبكرة جداً في مجال الفاشون والمودلينج: مين اللي اكتشف فيك الموهبة دي؟
البداية كانت من خلال الفوتوغرافر "محمد شاكر"، هو أول حد شافني واكتشف موهبتي في الوقوف قدام الكاميرا، ومن بعدها أخدت كورس مودلينج في أكاديمية (Petite Academy) عشان أتعلم أكتر.
هنا تدخلت الأم وكشفت عن مفاجأة عندما قالت: فعلاً، نوح بدأت رحلته وهو عنده سنتين ونصف بس! شارك في مسلسل "راجعين يا هوى" مع النجم خالد النبوي وكان من ضمن الأحفاد في المسلسل. بعد كدة كبر وبدأ يركز في الإعلانات وشارك في إعلان "ناوي" والحملة الإعلانية لـ "Yoplis".
عدنا إلى نوح وسألناه : أنت حالياً بتاخد ورشة تمثيل، هل ده معناه إن التمثيل هو هدفك الأساسي؟
إن شاء الله، أنا بحب التمثيل جداً وحالياً بتدرب عشان أكون مستعد، وفعلاً اترحشت لأكتر من دور ومستني الفرصة والنصيب عشان أظهر موهبتي للناس.
مين الممثل اللي لما بتشوفه بتقول "نفسي أكون زيه"؟
:بحب جداً الفنان محمد سلام، هو مثلي الأعلى وبحب طريقته جداً.
لا تفوقتوا فرصة مشاهد نوح أحمد في كواليس إعلانه التليفزيوني
>
أشقى طفل في مصر.. سليم علاء يجمع بين بطولة السباحة وعبقرية (اليوسي ماث) ويستعد لـ (قصر الأحلام)
ميرهان القصراوي.. نورا الصغيرة التي خطفت الأنظار في رمضان وشاركت ياسمين صبري!
عدي عمرو.. طفل المعجزات الذي يجمع بين براعة التقليد وحلم الطيار!
كنده رامي.. الفراشة الطائرة التي تحدت الصعاب لتجمع بين الذهب والتمثيل والطب!
چنى محمد.. نجمة المسرح الصاعدة التي تجمع بين حفظ القرآن وإبداع التمثيل!
كاراتيه ( آل حسن) 4 أشقاء يحلمون بالعالمية.. (متيم)الأصغر و(مهند) على أعتاب المنتخب
بعيداً عن الكاميرا.. إيه حكايتك مع السباحة والكورة؟
أنا بدأت تدريب سباحة وأنا عندي 4 سنين، وحالياً موقف بس نفسي أرجع جداً ومتمسك بالسباحة. وبالنسبة للكورة أنا زمالكاوي جداً وبحب ألعب بلاي ستيشن في وقت فراغي.
هنا كان لابد من سؤال الأم عن كيفية التوفيق بين "جريد 1" والتصوير و إزاي بتدير وقت نوح؟
أجابت الأم: بنحاول دايماً نوفق بين مواعيد الدراسة والتصوير عشان ما يأثرش على مستقبله، والحمد لله هو طفل طموح وبيسمع الكلام.
عدنا من جديد إلى نوح لنسأله : لما تكبر نفسك تطلع إيه؟
أحلم بدخول كلية الشرطة وأطلع "ظابط" عشان أحمي بلدي.
وفي نهاية اللقاء سألنا الأم: إيه الخطوات الجاية اللي بتخططي لها لـ "نوح"؟
أنا بدعمه في كل خطوة، وحالياً بخطط إنه يشترك في كورسات "بريك دانس" عشان يكون فنان شامل، وهنكمل في ورش التمثيل في أكتر من مكان عشان يكتسب خبرات أكبر ويكون جاهز للأدوار الجاية.
بطاقة تعارف النجم الصغير
الاسم: نوح أحمد.
السن: 6 سنوات ونصف (Primary 1).
الهوايات: الفاشون، السباحة، البلاي ستيشن، والبريك دانس (قريباً).
أبرز الأعمال: مسلسل (راجعين يا هوى)، إعلان (ناوي)، حملة (Yoplis).
النادي المفضل: الزمالك.
إرسال تعليق