كتب - أحمد عيد
بين آيات الذكر الحكيم وأضواء المسرح الساطعة، ترسم الطفلة "چنى محمد إبراهيم" لوحة فريدة من نوعها. ابنة الحادية عشرة عاماً، الطالبة الأزهرية المتفوقة، التي استطاعت أن تحول موهبتها الفطرية من مجرد فيديوهات بسيطة إلى وقوف واثق على أعرق مسارح القاهرة. في "نجوم الغلاف"، نلتقي بـ "چنى" لنتحدث عن رحلتها من التيك توك إلى التكريم في الزمالك.
كيف تختارين ملابس أطفالك والألوان المناسبة لهم ؟ شاهدي هذا الفيديو حتى تكون الحياة حلوة مع أطفالك
چنى الجميلة.. عرفينا بنفسك أكتر وعندك كام سنة؟
أنا چنى محمد إبراهيم، عندي 11 سنة، وفي سنة خامسة ابتدائي (أزهر)، وبحب التمثيل جداً وبحب أحفظ القرآن والحمد لله متفوقة في دراستي.
والدتك بتقول إن موهبتك بدأت وانتي عندك 3 سنين بس.. احكي لنا إزاي؟
من وأنا صغيرة أوي كنت بحب أمسك الموبايل وأصور فيديوهات على "تيك توك"، كنت بحفظ المشاهد والريأكشنات وأمثلها بطريقتي، وكنت بحس بسعادة كبيرة وأنا بقلد الشخصيات وبطلع مشاعري في التمثيل.
موضوعات متعلقة
أطفال أبهروا الجميع بموهبتهم والشهرة في انتظارهم
أبطال صغار يصنعون ملحمة كبيرة.. أشبال المسرح يضيئون "فانوس النصر"
فريدة كرم.. عاشقة الكاميرا.. تحلم بالتمثيل مع ياسمين عبد العزيز
بعد أن لفت الأنظار إليه.. عمر مجدي يحلم بأن يكون ممثلا كبيرا وأشهر موديل في مصر
من التيك توك للمسرح الحقيقي.. إيه هي أول خطوة عملتيها على خشبة المسرح؟
أول مرة وقفت فيها على المسرح كانت في شهر 6 اللي فات، شاركت في عرض اسمه "مشاعر منسية" في مكتبة القاهرة بالزمالك، وكان العرض لدعم ذوي الهمم، والحمد لله اتكرمت هناك ودي كانت أحلى لحظة في حياتي. وبعدها في شهر 8 شاركت في عرض "يوم وليلة" مع المخرج المبدع كريم محمود.
بيقولوا عليكي عندك "كاريزما" وبتحفظي المشاهد بسرعة جداً.. إيه السر؟
الحمد لله دي منة من ربنا، أنا بحب التمثيل بالفطرة، وممكن أحفظ أي مشهد في وقتها وأطلعه بالريأكشن اللي المفروض يظهر بيه، لأني بحس بالكلام اللي بقوله.
إزاي بتوفقي بين حفظ القرآن ودراستك في الأزهر وبين بروفات المسرح؟
أمي بتساعدني جداً في تنظيم وقتي، أهم حاجة عندي هي القرآن ودراستي، والتمثيل هو الهواية اللي بطلع فيها طاقتي، والحمد لله ربنا بيوفقني في الاثنين لأني بحبهم.
إيه هو حلمك الكبير يا چنى؟
حلمي إني أكون فنانة مشهورة ومحترمة، وأقدم أعمال تفيد الناس وتوصل رسالة حلوة، وبستعد دلوقتي لعرضي الجديد "دواير" وبتمنى من كل الناس تدعي لي بالتوفيق.
إرسال تعليق