كتب- أحمد عيد
بعمر السابعة فقط، تمتلك يسر سيف حضورًا لافتًا أمام الكاميرا، وابتسامة ساحرة جعلتها نجمة في عالم الـ "فاشون" والإعلانات. شاركت في أعمال فنية مبهجة، لكن أحلامها لا تتوقف عند الأضواء فقط، بل تمتد إلى مجال مساعدة الناس! التقينا بالنجمة الصغيرة يسر، التي تدرس في الصف الأول الابتدائي، لنتعرف على سر عشقها للتصوير، وشغفها بالرسم، وكيف تخطط لتكون "موديل" ناجحة ثم "أحلى دكتورة"!
لعشاق شياكة أطفالهم .. لا يجب ان تفوتكم مشاهدة هذا الفيديو
مغامرات يسر الفنية
نسأل يسر عن علاقتها المبكرة بالكاميرا والأضواء، فتجيب بابتسامة: "أنا بدأت أصور وأنا عندي ٣ سنين تقريباً، علشان أنا بحب التصوير جداً! كنت دايماً آخد التليفون وأصور نفسي كتير قوي. ماما لما شافتني بحب الكاميرا كده، بدأت تعمل لي صور حلوة، والمصورين بقوا يطلبوني علشان أعمل معاهم شغل."
عن أهم أعمالها، تقول: "أنا موهبتي الأساسية هي إني أكون موديل، فبعمل صور وحاجات حلوة في الفاشون. وكمان عملت إعلان واسكتش كوميدي، وأهم حاجة عملتها هي كليب حلو قوي لرمضان مع الفنانة مروة اللبنانية!"
موضوعات متعلقة
أطفال أبهروا الجميع بموهبتهم والشهرة في انتظارهم
أبطال صغار يصنعون ملحمة كبيرة.. أشبال المسرح يضيئون "فانوس النصر"
فريدة كرم.. عاشقة الكاميرا.. تحلم بالتمثيل مع ياسمين عبد العزيز
بعد أن لفت الأنظار إليه.. عمر مجدي يحلم بأن يكون ممثلا كبيرا وأشهر موديل في مصر
بسؤالها عن كواليس هذا الكليب: "كانت فيه مسؤولة عن تنفيذ العمل ده طالبة أطفال، وماما بعتت لها صوري. أنا كنت من ضمن الأطفال اللي اختاروهم في كليب 'أهلاً رمضان' وكانت أحداثه كلها عن شهر رمضان المبارك."
تضيف: "ولسه من قريب كنت عاملة حلقة مع أطفال تانيين عندهم مواهب شبهي، زي البرامج الحلوة بتاعة زمان كده شوية."
الحلم الكبير
مع كل هذا الشغف الفني، نسأل يسر عن أحلامها للمستقبل: "أنا نفسي أولاً أكون موديل مشهورة وناجحة، وده اللي بحبه دلوقتي. وثانياً، نفسي أكون دكتورة! نفسي ألبس البالطو الأبيض وأعالج الناس."
عن كيفية التوفيق بين هذه الطموحات والدراسة، تقول يسر: "أنا منظمة جداً، وبحب حاجاتي وأحافظ عليها. وأنا أصلاً بحب الرسم جداً، فده هواية مريحة بالنسبة لي. وماما وبابا بيساعدوني أنظم وقتي."
تؤكد أن الدعم هو سر النجاح: "أكتر ناس بتدعمني وتشجعني في كل حاجة بعملها هما ماما وبابا وأخويا. ماما بتقول إنها بتحلم إني أكون أحلى دكتورة وناجحة جداً، وأهم حاجة أكون في أحسن حال. هي بتحب حلمي ده وبتحاول تنمّيه لي."
قلب يسر الطيب: "ساندوتشات زيادة" للجميع!
نختتم الحوار بالحديث عن أجمل صفة في شخصية يسر، وهي طيبة قلبها: "أنا بحس بالناس جداً. ودايماً أقول لماما: 'يا ماما اعمليلي ساندوتشات زيادة'، علشان بيكون فيه أولاد في المدرسة أو غيرها مش معاهم أكل أو مش بياكلوا كويس."
بسؤالها عن شعورها وهي تساعد غيرها، تجيب ببراءة: "ماما بتعمل لي ساندوتشات زيادة، وأنا لما بديها لأي طفل محتاج، بكون مبسوطة جداً جداً بده! لازم كلنا نساعد بعض."
إرسال تعليق