كتب - أحمد عيد
جمالها الهادئ وملامحها "البلوند" الخاطفة للأنظار جعلت منها نجمة قبل أن تنطق كلماتها الأولى. تاليا هيثم، التي لقبت بأصغر موديل في مجال الفاشون والميديا، استطاعت في شهور قليلة أن تضع بصمتها في كبرى الحملات الإعلانية. في "نجوم الغلاف"، نغوص في رحلة تاليا مع والدتها لنعرف كيف بدأت وكيف أصبحت وجهاً مألوفاً في عالم الإعلانات.
كيف تختارين ملابس أطفالك والألوان المناسبة لهم ؟ شاهدي هذا الفيديو حتى تكون الحياة حلوة مع أطفالك
في البداية.. تاليا بدأت مشوارها وهي عندها 7 شهور بس، إزاي اكتشفتي موهبتها في السن ده؟
الموضوع بدأ بالصدفة، فيه مصور شاف تاليا وانبهر بملامحها "البلوند" وهدوئها قدام الكاميرا، وهو اللي اقترح عليا إنها تدخل مجال الموديلنج والاعلانات، ومن هنا بدأت الرحلة.
تاليا شاركت في إعلانات لبراندات كبيرة جداً.. ممكن تحكي لنا عن أهم أعمالها؟
تاليا رغم صغر سنها لكنها شاركت في إعلان "كمبوند" شهير، وإعلانات لبراندات معروفة زي "بندولين" و"بامبرز"، واتلقبت فعلاً بأصغر موديل في المجال ده لأنها بدأت بدري جداً وبقت مطلوبة في الفاشون والميديا.
موضوعات متعلقة
أطفال أبهروا الجميع بموهبتهم والشهرة في انتظارهم
أبطال صغار يصنعون ملحمة كبيرة.. أشبال المسرح يضيئون "فانوس النصر"
فريدة كرم.. عاشقة الكاميرا.. تحلم بالتمثيل مع ياسمين عبد العزيز
بعد أن لفت الأنظار إليه.. عمر مجدي يحلم بأن يكون ممثلا كبيرا وأشهر موديل في مصر
الحمد لله تاليا ماشاء الله عليها متقبلة الموضوع جداً، وبتحب الكاميرا وبتسمع الكلام وبتقعد هادية في السيشنات، وده اللي بيخلي المصورين يحبوا يشتغلوا معاها.
إيه خطتك لمستقبل تاليا؟ هل ناوية تطوري موهبتها أكتر؟
أكيد طبعاً، مش سايبين الموضوع للظروف. أنا وباباها بنخطط إنها لما تكبر شوية تاخد كورسات متخصصة، وهنهتم جداً بموهبتها ونطورها عشان تفضل دايماً ناجحة ومتميزة.
مين أكتر حد بيدعم تاليا وبيشجعها في البيت؟
الدعم كله جاي من الأسرة؛ أنا وباباها، وأختها الكبيرة، وخالتها، ومامتي.. الكل بيحب تاليا وبيشجعها وبيدعمها إنها تكون حاجة كبيرة ومميزة.
كأم.. نفسك تاليا تكون إيه لما تكبر؟
نفسي تكون حاجة كبيرة ومهمة، وأي مجال هي هتحبه وتختار تكون فيه أنا هكون معاها وهدعمها لآخر لحظة عشان تحقق أحلامها.
إرسال تعليق