.webp "مالك مصطفى")
كتب - أحمد عيد
ليس مجرد وجه جميل ظهر على "بوسترات" الشوارع، بل هو طاقة فنية متفجرة وموهبة فرضت نفسها بقوة. "مالك مصطفى"، ابن العشر سنوات، الذي يمتلك حضوراً يجعل أي مخرج يراه يدرك فوراً أنه أمام "كاركتر" فريد. من إعلانات البراندات العالمية إلى الوقوف أمام كاميرا المخرج الكبير محمد سامي، رحلة بطل واثق من خطواته. التقينا بـ "مالك" لنتحدث عن كواليس "سيد الناس" وسر حبه للزمالك في بيت أهلاوي!
مالك.. أنت بقيت وجه معروف جداً خصوصاً بعد إعلان "بازوكا"، احكيلنا إزاي بدأت الرحلة دي؟
أنا من صغري بحب الأغاني والتمثيل وكنت بعمل فيديوهات تيك توك، ماما شجعتني جداً وأخدتني مكاتب كاستنج، والحمد لله أي مخرج كان بيشوفني كان بيتبسط من طريقتي، لحد ما جات لي فرصة إعلان (بازوكا) ودي كانت البداية الحقيقية وصوري كانت مالينا الدنيا والناس عرفتني منها.
.webp "الطفل مالك مصطفى")
موضوعات متعلقة
أشقى طفل في مصر.. سليم علاء يجمع بين بطولة السباحة وعبقرية (اليوسي ماث) ويستعد لـ (قصر الأحلام)
ميرهان القصراوي.. نورا الصغيرة التي خطفت الأنظار في رمضان وشاركت ياسمين صبري!
عدي عمرو.. طفل المعجزات الذي يجمع بين براعة التقليد وحلم الطيار!
كنده رامي.. الفراشة الطائرة التي تحدت الصعاب لتجمع بين الذهب والتمثيل والطب!
چنى محمد.. نجمة المسرح الصاعدة التي تجمع بين حفظ القرآن وإبداع التمثيل!
وقفت قدام كاميرا المخرج الكبير "محمد سامي" في مسلسل "سيد الناس".. احكيلنا عن التجربة دي؟
دي كانت تجربة تجنن! المخرج محمد سامي مخرج شاطر جداً، وكنت مبسوط أوي وأنا بصور مشاهدي معاه، واتعلمت منه كتير، وحسيت إن الحلم بدأ يقرب أكتر."
أعمالك مش بس إعلانات، دخلت عالم السينما والمسرح كمان، إيه أكتر دور بتحبه؟
عملت مشهد في فيلم (صقر وكناريا)، وعملت إعلانات تانية زي (مديا) وبسكوت (لؤلؤ)، وكمان بحب المسرح جداً وبشتغل على نفسي في الورش عشان أوصل للبطولة اللي بحلم بيها.
شاهدوا مالك مصطفى مع أبرز نجوم الفن
بعيداً عن الفن، أنت بطل رياضي ومتعدد المواهب.. إيه حكاية "أجمل ولد على الشاطئ"؟
أنا بحب الرياضة جداً، بلعب كورة وقدمت مستويات كويسة وأخدت شهادات تقدير، وكمان بلعب سباحة وأسكيت وهوفر بورد، وكمان شاطر في البلايستيشن. أما لقب (أجمل ولد على الشاطئ) فده كان في مسابقة في إسكندرية في كافيه (سانتوس) من 4 سنين، وكانت ذكرى جميلة جداً.
.webp "مع المخرج محمد سامي")
إحنا عرفنا إنك "الزملكاوي" الوحيد في البيت.. إزاي بتتعامل مع بابا وماما الأهلاوية؟
بيضحك: فعلاً، العيلة كلها أهلاوية وأنا الوحيد اللي زملكاوي، بس هما بيحبوني وبيحترموا رأيي، وبابا وماما هما أكتر ناس بيدعموني في كل حاجة، خصوصاً ماما اللي دايمة معايا في كل كاستنج وكل تصوير.
مين مثلك الأعلى في التمثيل، ونفسك تكون إيه لما تكبر؟
مثلي الأعلى هو النجم كريم عبد العزيز ، ونفسي أمثل مع محمد عادل إمام وبحب جداً مالك عماد وأحمد مالك. ونفسي لما أكبر أكون دكتور مشهور وممثل ناجح في نفس الوقت.
.webp "مع الفنان محمد عادل إمام")
إرسال تعليق