يوسف وائل بطل الكاراتيه الذي خطف الأنظار في عالم الفاشون

 

كتب - أحمد عيد

بين خفة دم "سعاد حسني" وشخصية "أم كلثوم" القوية، ترسم الطفلة الموهوبة "ساندي ياسر" طريقها نحو النجومية بخطوات ثابتة. ابنة الـ 10 سنوات التي جمعت بين الغناء، الاستعراض، والتمثيل، لتصبح "براند" موهبة متكاملة. من قصر الثقافة إلى شاشة "مزيكا" وصولاً للقب ميس إيجيبت، التقينا بـ "ساندي" لنعرف كواليس رحلتها الفنية المثيرة.

كيف تختارين ملابس أطفالك والألوان المناسبة لهم ؟ شاهدي هذا الفيديو حتى تكون الحياة حلوة مع أطفالك 

ساندي.. بدايتك كانت مختلفة ومليانة ورش تقيلة، مين اللي ساعدك تطوري موهبتك؟

أنا من صغري بحب أشخص وأقلد، وماما وبابا دعموني جداً. أخدت ورشة تمثيل مع الأستاذ إبراهيم فرج مساعد المخرج الكبير بيتر ميمي، وورشة إعلانات مع الأستاذ محمد مصطفى بكري، وورشة مسرح مع المخرج عصام بدوي في قصر الثقافة، والورش دي هي اللي خلتني أقف على رجلي صح.

موضوعات متعلقة 

أشقى طفل في مصر.. سليم علاء يجمع بين بطولة السباحة وعبقرية (اليوسي ماث) ويستعد لـ (قصر الأحلام)

ميرهان القصراوي.. نورا الصغيرة التي خطفت الأنظار في رمضان وشاركت ياسمين صبري!

عدي عمرو.. طفل المعجزات الذي يجمع بين براعة التقليد وحلم الطيار!

كنده رامي.. الفراشة الطائرة التي تحدت الصعاب لتجمع بين الذهب والتمثيل والطب!

چنى محمد.. نجمة المسرح الصاعدة التي تجمع بين حفظ القرآن وإبداع التمثيل!

المسرح كان له محطات مهمة في حياتك.. احكيلنا عن المخرجين اللي اتعاملتي معاهم والأدوار اللي قدمتيها؟

المسرح هو بيتي الثاني، عملت مسرحية (حارة الفتوات) وكنت طالعة بنت الفتوة، ومسرحية (45) وعملت دور شحاتة، ومسرحية (رحلة فن) وجسدت فيها شخصيتين (الأم والبنت). اشتغلت مع مخرجين اتعلمت منهم كتير زي الأستاذ عصام بدوي والأستاذ حسام الهواري، والحمد لله كرموني على مسارح كبيرة زي مسرح عبد المنعم جابر.

إيه حكاية التكريم من الكاتب الكبير مدحت العدل والنجم أحمد شيبة؟

دي كانت أسعد لحظات حياتي، المخرج مدحت العدل كرمني على الرقص الاستعراضي في عرض تابع لوزارة الثقافة، والنجم أحمد شيبة كرمني بعد تفوقي في الكليب والمسرح، وده أداني ثقة كبيرة في نفسي.

شاهدوا لحظة تتويج ساندي ياسر بلقب Miss Egypt Photogenic Kids

 

شاركتِ في كليب على قناة "مزيكا".. إزاي جات لك الفرصة دي؟

المطرب حازم أحمد هو اللي طلبني بعد ما شاف موهبتي، وعملنا الكليب واتعرض على مزيكا وكانت تجربة تجنن.

لقب Miss Egypt Photogenic Kids.. مين اللي رشحك وإيه شعورك باللقب؟

اللي أداني اللقب هو الأستاذ أكرم درة بعد ما اترشحت للمسابقة السنة اللي فاتت، وكنت سعيدة جداً باللقب ده لأنه فتح لي مجالات كتير كموديل فاشون لمصانع كبيرة.

رمضان الجاي هنشوفك في الفوازير.. إزاي بتستعدي لشخصية  أم كلثوم العظيمة دي اللى هتجسديها؟

المخرجة أماني المهدي هي اللي رشحتني للفوازير على قناة (بانوراما دراما). أنا قرأت كتير عن كوكب الشرق والمخرجة بعتت لي (اسكريبت) وبحفظه دلوقتي وبحاول أجسد روحها بكل تفاصيلها

مين هو مثلك الأعلى في الفن، ونفسك تمثلي قدام مين؟

مثلي الأعلى هي السندريلا سعاد حسني، حافظة كل أفلامها وأغانيها ونفسي أكون فنانة شاملة زيها، ودوري المفضل ليها هو (صغيرة على الحب). ونفسي جداً أمثل قدام النجمة سمية الخشاب.

مين الجندي المجهول ورا نجاحك؟

عيلتي كلها.. ماما وبابا وأخويا وأختي وخالتي، هما اللي بيشجعوني وبيروحوا معايا كل مكان عشان أكون ممثلة مشهورة."