.webp)
كتب - أحمد عيد
بين بساط الكاراتيه ومنصات عرض الأزياء، يبرز اسم الصغير "يوسف وائل" (6 سنوات). طفل يمتلك كاريزما استثنائية وقدرة على تنسيق ألوانه بنفسه، مما جعله "موديل" بالفطرة ومقاتلاً في الملاعب. في لقاء جمعنا بيوسف ووالدته كان هذا الحوار:
يوسف.. أنت معروف بـ "شياكتك"، إزاي بدأت حكايتك مع عالم الفاشون والموديلينج؟
أنا من صغري بحب الصور والفيديوهات جداً، وبحب أنقي لبسي بنفسي وأركب الألوان مع بعضها. ماما لاحظت ده وبدأت تشجعني وتصورني، ومن هنا دخلت أول "أوديشن" والحمد لله اتقبلت وبقيت موديل.
هنا توجهنا للأم بهذا السؤال: إزاي اكتشفتِ أن "يوسف" بيمتلك العين الفنية في تنسيق الملابس؟
يوسف من هو وصغير وعنده ذوق خاص، مش بيحب يلبس أي حاجة وخلاص، لازم ينسق ألوانه ويطلع بشكل مميز. لما لقيته حابب الموضوع جداً قدمت له في كذا مكان، والحمد لله كاريزمته بتظهر في كل تصوير بيعمله.
أشقى طفل في مصر.. سليم علاء يجمع بين بطولة السباحة وعبقرية (اليوسي ماث) ويستعد لـ (قصر الأحلام)
ميرهان القصراوي.. نورا الصغيرة التي خطفت الأنظار في رمضان وشاركت ياسمين صبري!
عدي عمرو.. طفل المعجزات الذي يجمع بين براعة التقليد وحلم الطيار!
كنده رامي.. الفراشة الطائرة التي تحدت الصعاب لتجمع بين الذهب والتمثيل والطب!
چنى محمد.. نجمة المسرح الصاعدة التي تجمع بين حفظ القرآن وإبداع التمثيل!
كاراتيه ( آل حسن) 4 أشقاء يحلمون بالعالمية.. (متيم)الأصغر و(مهند) على أعتاب المنتخب
.webp "الطفل يوسف وائل")
سألنا يوسف: أنت مش بس موديل، أنت كمان بطل كاراتيه، وصلت لحد فين في الرياضة؟
أنا بحب الكاراتيه جداً، وحالياً وصلت للحزام البرتقالي (Orange 2)، وشاركت في بطولتين والحمد لله حققت فيهم مراكز، ومستعد بقوة للبطولة الثالثة إن شاء الله.
إزاي بتوفق بين تمرين الكاراتيه "القوي" وبين جلسات التصوير اللي محتاجة "هدوء وشياكة"؟
الكاراتيه بيديني ثقة في نفسي وقوة، وده بيساعدني جداً وأنا واقف قدام الكاميرا. بحب أكون بطل في النادي ونجم في التصوير.
سالنا أم يوسف: أحلامك أيه لـ "يوسف" في الفترة القادمة؟
نفسي أشوفه حاجة كبيرة جداً في عالم الفاشون لأنه فعلاً مقبول وعنده حضور. وبما إنه نفسه يمثل، فإحنا بدأنا ناخد خطوات فعلاً وقدمت له في كذا عمل تمثيلي، وأنا وباباه وكل أهلنا وأصحابه في ضهره وبندعمه بكل قوة.
سألنا يوسف: مين أكتر حد بيدعمك ؟
بابا وماما والأسرة كلها.
لما تكبر نفسك تكون إيه؟
نفسي أكون موديل وفنان مشهور، وأفضل دايماً بطل في الرياضة اللي بحبها.
.webp "يوسف وائل")
بطاقة تعارف
الاسم: يوسف وائل.
السن: 6 سنوات.
الموهبة: موديل فاشون، تمثيل، وكاراتيه.
الإنجازات الرياضية: حزام برتقالي (Orange 2)، المشاركة في بطولتين كاراتيه.
.webp "الموديل الصغير يوسف وائل")
إرسال تعليق